İslam İnkişaf Bankı İran-Mərkəzi Asiya dəmiryol xəttini maliyyələşdirəcək

İslam İnkişaf Bankı İran-Orta Asiya dəmir yolu layihəsini maliyyələşdirəcək.

Tacikistan mətbuatı xəbər verir ki, İran Prezidenti Mahmud Əhmədinejadın Tacikistana səfəri zamanı İran-Tacikistan-Əfqanıstan arasında dəmir yolu, neft, təbii qaz və su ehtiyatlarını nəql edəcək xətlərin yaradılması barədə razılıq əldə edildi.

İranın Mehr agentliyinin xəbərinə görə, İranın İqtisadiyyat və Maliyyə Naziri Seyid Şamsoddın Hosseını ilə İslam İnkişaf Bankının prezidenti Əhməd Muhammed Ali arasında görüş keçirilib. İclasda İran-Orta Asiya dəmir yolu xətti layihəsi müzakirə edildi. Layihəni dəstəklədiklərini qeyd edən Əli, sözügedən layihə üçün maliyyə mənbələri təmin etməyə hazır olduqlarını bildirdi.

Mənbə: CİHAN