Hindistanda iki qatar toqquşub: Hindistanda qatarın qəzaya uğraması nəticəsində 12 nəfər ölüb, 45 nəfər yaralanıb. Hindistanın şimalındakı Uttar Pradeş ştatında iki sərnişin qatarının toqquşması nəticəsində ən azı 12 nəfərin öldüyü bildirilib.
Səlahiyyətlilər Qorahpur şəhər dəmir yolu stansiyasında toqquşmadan sonra qatarlardan birinin üç vaqonunun relsdən çıxdığını açıqlayıb.
Aşan vaqonlardan 12 nəfərin cəsədi çıxarılıb. Qəza nəticəsində 45 nəfərin yaralandığı bildirilib.
Qəzadan sonra stansiya uzun müddət nəqliyyata bağlanıb və bu, qatarların hərəkətinin pozulmasına səbəb olub. Bəzi qatarlar müxtəlif stansiyalara yönləndirilib.
Dövlətə məxsus dəmir yolu şəbəkəsində gündə təxminən 11 min sərnişin qatarının 23 milyondan çox sərnişin daşıdığı Hindistanda son 5 ildə baş verən qatar qəzalarında 500 adam həyatını itirib.
Şərh yazan ilk kişi olun