Pakistan, Çin şirkəti CanSinoBIO tərəfindən hazırlanan tək dozalı Covid-19 peyvəndinin təsir nisbətini yüzdə 74,8 olaraq açıqladı. Pekində yerləşən Hərbi Tibb Elmləri Akademiyasının tədqiqatçısı Chen Wei-nin rəhbərlik etdiyi bir qrup tərəfindən hazırlanan peyvənd Çin şirkətləri tərəfindən hazırlanan ilk tək dozalı peyvənddir.
Pakistan Baş nazirinin Xüsusi Səhiyyə Köməkçisi Dr. Faysal Sultan, dünən etdiyi açıqlamada, CanSinoBIO peyvəndinin Pakistandakı üçüncü mərhələ klinik sınaqlarının nəticələrinə görə simptomatik hallarda yüzdə 74,8, ağır xəstəliyin qarşısını almaqda yüzdə 100 təsir etdiyini söylədi.
Ümumdünya Səhiyyə Təşkilatının (ÜST) verdiyi məlumata görə, CanSinoBIO-nun Ad5-nCov peyvəndi dünyada ikinci mərhələdə aparılan klinik sınaqlara keçən ilk peyvənddir. Ad5-nCov eyni zamanda Johnson & Johnson tərəfindən hazırlanan, üçüncü mərhələ klinik tədqiqatlarının nəticələri açıqlanan peyvəndlə ikinci tək dozalı peyvənddir. CanSinoBIO 1 Fevralda Meksika, Rusiya, Pakistan, Argentina və Çili daxil olmaqla beş ölkədə peyvəndin Faz-3 sınaqlarında 40 mindən çox insanın aşılandığını elan etdi.
Mənbə: Çin Beynəlxalq Radio
Şərh yazan ilk kişi olun