Muğladakı Dalaman Hava Limanının 60%-i İspaniyanın Ferrovial şirkətinə 140 milyon avroya satılıb. 2042-ci ilin sonuna qədər Dalaman Hava Limanının konsessiya hüquqlarını əlində saxlayan YDA Group, bunun 60 faizini 140 milyon Avroya İspan Ferrovial Qrupuna satdı.
YDA Qrup İdarə Heyətinin sədri Hüseyn Arslan 2014-cü ildən fəaliyyət göstərdikləri Dalaman Hava Limanını xarici ortaqla işlətməyə davam edəcəklərini açıqlayıb. Aviasiya sənayesində qlobal əhəmiyyət kəsb edən iki qrup arasındakı bu ortaqlığın onların uğurlarına daha çox töhfə verəcəyini ifadə edən Arslan, “Bu, xarici investorların Türkiyə iqtisadiyyatına davamlı etibarının göstəricisi olduğu üçün də böyük əhəmiyyət kəsb edir. Bu strateji müttəfiqlik hər iki şirkətin Türkiyə aviasiya sənayesindəki təcrübələrini bir araya gətirmək üçün unikal bir fürsətdir və həm Dalaman, həm də digər bazarlar üçün əhəmiyyətli artım potensialı təqdim edəcək”.
Londonun ən böyük Hava Limanı Heathrow-u da idarə edən İspan Ferrovial Qrupunun baş direktoru Luke Bugeja, müqavilənin beynəlxalq turizmdə aeroport portfelini və Türkiyədə sürətlə böyüyən bir istiqamətə çevrilən bölgəni diversifikasiya etmək üçün unikal bir fürsət olduğunu bildirdi. Bugeja, “YDA Group Türkiyədə PPP modeli ilə infrastrukturun qurulması və istismarı sahəsində böyük təcrübəyə malikdir və buna görə də bu layihədə bizim üçün ideal tərəfdaşdır” dedi.
Şərh yazan ilk kişi olun