Ukrayna prezidenti Zelenski son vəziyyətlə bağlı məlumat verib.
Zelenski çıxışında bu sözləri deyib: “Biz istəyirik ki, hərbi təcrübəsi olan hər kəs gəlib Daxili İşlər Nazirliyinə müraciət etsin və ölkənin müdafiəsində iştirak etsin. Sizdən yaralı əsgərlər üçün xəstəxanalarda bizi qoruyan döyüşçülərimizə qan vermənizi xahiş edirəm.
Bütün iş adamlarımız gələcəyimiz üçün tam məsuliyyəti bölüşürlər. Mağazalar dolu olmalıdır. İnsanlarımızın hər şeyə əlçatanlığı olmalıdır. Mən bütün siyasətçilərimizə təşəkkür edirəm, aramızda bir nəfər də olsun narazı səs yoxdur.
Regional müdafiə qüvvəsi olaraq hər bir Ukrayna vətəndaşı öz ölkəsini müdafiə edəcək. Bu səhər tarix yazdı. Biz Rusiya ilə bütün əlaqələri kəsdik.
Rusiya səhər saatlarında nasist Almaniyası kimi qorxaqcasına hücum etdi.
Vicdanını itirməmiş hər kəsə müraciət edirəm. İnsanlar küçələrə çıxıb bu müharibəyə qarşı öz reaksiyalarını göstərməlidirlər.
Onların məqsədi bir milləti məhv etməkdir. Siz tarixi silə bilməzsiniz. Ukraynanın qüdrətli vətəndaşları var, bəzilərinin dostları, həmkarları var, jurnalistlər var, onlar həqiqət üçün səslərini ucaltmalıdırlar. Hər saatın əvvəlində sizi xəbərdar etməyə davam edəcəyik”.
Şərh yazan ilk kişi olun