Böyük Britaniya Ankara-İzmir sürətli qatar xətti üçün tarixində ən böyük infrastruktur ixrac maliyyəsini təmin edəcək. Bu çərçivədə Ankara ilə İzmir Limanı arasında tikiləcək 503 kilometrlik sürətli qatar layihəsi üçün 2,1 milyard avronun maliyyələşdiriləcəyi açıqlanıb.
UK Export Finance (UKEF) 503 kilometr uzunluğundakı layihəyə 2,1 milyard avro kredit verəcək. Maliyyələşdirmə layihəsini Credit Suisse və Standard Chartered Bank idarə edəcək.
COP26 İqlim Zirvəsinə ev sahibliyi edən Böyük Britaniyanın Ticarət Nazirliyi açıqlamasında layihənin Türkiyənin nəqliyyat infrastrukturunun karbondan təmizlənməsində böyük rol oynayacağını bildirib.
Böyük Britaniyanın Beynəlxalq Ticarət naziri Anne-Mari Trevelyan deyib: “Türkiyə Böyük Britaniya üçün mühüm ticarət tərəfdaşıdır. Bu nöqteyi-nəzərdən Böyük Britaniyanın ən böyük xarici infrastruktur maliyyələşdirmə sazişinin güclü davamlılığa malik olması tamamilə normaldır”. Nazir bildirib ki, Böyük Britaniyanın İxrac Maliyyəsi (UKEF) 503 kilometr yüksək sürətli dəmir yolunun tikintisi üçün 2,1 milyard avro maliyyə təklif edəcək.
Layihə çərçivəsində İngiltərədəki şirkətlərlə dəmir yolu, siqnal və elektrik sistemlərinin tədarükü üçün yüz milyonlarla funt sterlinq dəyərində bir neçə müqavilə imzalanacaq.
Şərh yazan ilk kişi olun