Boluda yağan güclü qardan sonra qarın əriməsi və güclü külək səbəbindən dünən saat 19.50 radələrində TEM şosesi Bolu Dağ Tunelinin Ankara istiqamətindən girişində torpaq sürüşməsi baş verib. Tuneldə baş verən sürüşmə nəticəsində magistral hər iki tərəfdən nəqliyyatın hərəkəti üçün bağlanıb. Yolun bağlanmasından sonra qruplar fasiləsiz olaraq gərgin işlərinə davam edir.
Vəziyyətlə bağlı açıqlama verən Bolu valisi Əhməd Ümit tunelin sabah trafikə açıla biləcəyini bildirib.
Əhməd Ümidin qalan açıqlamaları isə belədir: “Bölgədə risk davam edir. Tədqiqatlar başlayıb və davam edir. İstanbul istiqaməti tamamilə təmizlənib, lakin Ankara istiqamətində sürüşmə ilə birlikdə gələn materialların təmizlənməsi davam edir. Bundan əlavə, dağla bağlı araşdırmalar aparılıb. Mütəxəssislərimiz bildirirlər ki, bu işlər başa çatdıqdan sonra nəqliyyatın hərəkəti nəzarətli şəkildə başlayacaq. Təxmin edirik ki, sabaha qədər nəzarətli şəkildə açıla bilər”.
Şərh yazan ilk kişi olun