İranda Tehrandan təxminən 340 mil cənub-şərqdə Tabasdan Yəzdə gedən sərnişin qatarı relsdən çıxıb. İlkin məlumata görə, hadisə nəticəsində 17 nəfər ölüb, 50 nəfər yaralanıb.
İranın şərqində çərşənbə günü səhər saatlarında sərnişin qatarının qismən relsdən çıxması nəticəsində azı 17 nəfər ölüb, bəziləri ağır olmaqla 50 nəfər yaralanıb. Təxminən 350 sərnişinin olduğu qatarla bağlı fəlakətin ilkin təfərrüatları qeyri-müəyyən olaraq qalır, lakin ölənlərin sayının arta biləcəyindən ehtiyatlanır.
Tabas xüsusi qubernatoru Əli Əkbər Rəhimi qatarın dörd vaqonunun relsdən çıxdığını və Qızıl Aypara, fövqəladə hallar və dəmir yolu xilasetmə dəstələrinin hadisə yerinə cəlb edildiyini açıqlayıb.
Ölən və yaralananların sayı ilə bağlı məlumat paylaşan Rəhimi qəzanın ciddiliyinə görə bu rəqəmin arta biləcəyini bildirib. Qəzanın baş verdiyi əraziyə təcili yardım maşınları ilə yanaşı, helikopterlər də göndərilib.
Rəhimi bildirib ki, ilk təsbitlərə görə 350 sərnişini olan qatarda olan 17 nəfər həyatını itirib, 5-i ağır olmaqla 30 nəfər yaralanıb.
O, Mezino stansiyasının 50-ci kilometrliyində qatarın relsdən çıxdığı əraziyə 6 Qızıl Aypara qrupunun göndərildiyini və xilasetmə qruplarının işlərinin davam etdiyini bildirib.
Qatarın seyr edərkən inşaat maşınına çırpıldığı bildirilir.
Şərh yazan ilk kişi olun