İspaniyada lokomotiv sərnişin qatarı ilə toqquşub! 22 nəfər yaralanıb

İspaniyanın Tarraqona əyalətinin Vila-seka şəhərində sərnişin qatarı ilə lokomotivin üz-üzə toqquşması nəticəsində 22 nəfər xəsarət alıb.

İspaniyanın Tarraqona əyalətinin Vila-seka şəhərində 75 sərnişinin olduğu sərnişin qatarı və bir lokomotiv toqquşub. Qəzadan sonra hadisə yerinə çoxlu ilkin tibbi yardım və polis qrupları gəlib, yaralılar xəstəxanaya aparılıb. Şimal-Şərqi Kataloniya regional hökuməti yaralılardan 5-nin vəziyyətinin ağır olduğunu, İspaniyanın ADIF Dəmiryolu İnfrastruktur Şirkəti isə yük qatarının mühərrikində əyləc problemi olduğunu bildirib.

Qəzadan sonra nəqliyyat, o cümlədən Tarraqonadan Vila-seka və Cambrils-dən Reusa gedən R15, R16 və R17 xətləri də kəsilib.

İstintaq davam edir.