Boeing və Sabancı Universiteti İnteqrasiya edilmiş İstehsalat Texnologiyaları Araşdırma və Tətbiq Mərkəzi (SU-TÜMER) aviasiyada qabaqcıl kompozit texnologiyalarının inkişafı üzrə əməkdaşlığı inkişaf etdirmək və artırmaq üçün Anlaşma Memorandumu imzalayıb.
İmzalanan Anlaşma Memorandumu ilə Sabancı Universiteti və Boeing-in aviasiya sənayesi üçün yeni layihələr hazırlaması hədəflənir. Həm Türkiyədə, həm də qlobal miqyasda aviasiya sənayesinin artan ehtiyaclarını qarşılamağı hədəfləyən müqavilə ilə aviasiyada qabaqcıl kompozit materialların inkişafı üçün əməkdaşlığın artırılması da məqsəd qoyulur. Bu kontekstdə, xüsusilə qiymətli və səmərəli enerji istehsalı baxımından rəqabətədavamlı termoplastik kompozitlər, nanomateriallarla funksionallaşdırılan termoplastik kompozitlər və struktur sağlamlığın monitorinqi prosesləri bu qarşılıqlı əməkdaşlığın əsas istiqamətləri kimi müəyyən edilmişdir.
SU-TÜMER dünyanın AS9100 sertifikatına sahib altı universitetindən biridir və Türkiyədə bu sertifikata sahib olan ilk universitet mərkəzidir. Bu sertifikat aerokosmik və müdafiə sənayesində fəaliyyət göstərən qurumlar üçün beynəlxalq arenada mühüm əhəmiyyət kəsb edir.
Şərh yazan ilk kişi olun