Çinin Fucien əyalətindəki 900 illik tarixi Van'an körpüsü yanğın nəticəsində kül olub.
Çin Kommunist Partiyasının nəşri olan Global Times-ın məlumatına görə, Sonq sülaləsi dövründə indiki Fucien bölgəsinin Pingnan rayonunda daş və ağacdan hazırlanmış tağlı körpüdə yanğın baş verib.
900 illik tarixi olan körpünün gövdəsi yanğının ilk 20 dəqiqəsində uçub. Təxminən 10 saat davam edən işdən sonra söndürülən yanğında insan itkisi olmayıb. Bu arada yanğının səbəbi ilə bağlı araşdırma başlanıb.
Çində tarixi memarlıq sahəsində mütəxəssislər öz açıqlamalarında yanğının təbii səbəblərdən başlaya biləcəyini düşünmədiklərini bildiriblər. Mütəxəssislər suyun üzərindəki körpüdə yanğının nadir hadisə olduğunu vurğulayıblar.
Yanğının insan əli ilə törədilə biləcəyinə diqqət çəkən mütəxəssislər, tarixi taxta tikililərin qorunmasının vacib olduğunu bildiriblər.
"Universal Sülh Körpüsü" kimi də tanınan Wan'an, uzunluğu 98 metrdən çox olan "ölkədə ən uzun taxta-daş körpü"dür.
Əvvəllər körpüdə yanğın olub və zədələnmiş hissələr bərpa edilib.
Şərh yazan ilk kişi olun