Mesut Özil (15 oktyabr 1988-ci ildə anadan olub; Gelzenkirxen, Qərbi Almaniya) on nömrə mövqeyində çıxış edən türk əsilli alman futbolçudur. Superliqa komandalarından olan İstanbul Başakşehirdə çıxış edir.
O, Almaniya millisində 9 il oynayıb və 92 milli matçda 23 qol vurub, 40 məhsuldar ötürmə edib. O, Almaniya millisinin 2014-cü ildə Dünya Çempionatını qazanmasında da birbaşa əməyi olub. Digər təşkilatları nəzərə alsaq, o, Avropa Futbol Çempionatı, FIFA Dünya Kuboku, UEFA Çempionlar Liqası, UEFA Avropa Liqası, Bundesliqa, La Liqa və Premyer Liqada köməkçi kralı olan yeganə oyunçudur.
Özil peşəkar futbolçu karyerasına 2006-cı ildə doğulduğu və Bundesliqada çıxış edən şəhərin “Şalke 04” komandasına keçərək başlayıb. Daha sonra 2008-ci ildə digər Bundesliqa komandası SV Werder Bremen-ə keçdi. Almaniya ilə 2010 Dünya Çempionatında göstərdiyi performansla 2010-cu ilin avqustunda La Liqa komandalarından olan Real Madridə transfer olunub. 2013-cü ilin yayında transfer pəncərəsinin son günündə o, "Arsenal"a 42,5 milyon funta transfer olundu ki, bu da klub tarixində bir oyunçu üçün ödənilən ən yüksək transfer haqqı idi. Bundan əlavə, Məsut Özil bu transferlə Real Madrid tarixində ən çox qazanan dördüncü futbolçu oldu. O, 25 yanvar 2021-ci ildə "Fənərbağça"ya transfer olunub. O, 11 iyul 2022-ci ildə Fənərbaxça ilə müqaviləsini qarşılıqlı olaraq ləğv edib.
Özil Almaniya ilə dünya çempionatından sonra qazandığı çempionluq mükafatını Braziliyada 23 xəstə uşağın cərrahiyyə xərclərini qarşılamaq üçün bağışlayıb.
Davranışına görə Laureus Media Onur Mükafatına layiq görülüb.Onun Mutlu adlı böyük qardaşı və Neşe və Duygu adlı iki bacısı var.
O, Amine Gülşe ilə evlidir.
Şərh yazan ilk kişi olun