İspaniyada iki qatar üz-üzə toqquşub: 70 nəfər xəsarət alıb

İspaniyanın şimal-şərqində yerləşən Kataloniyada iki qatarın toqquşması nəticəsində baş verən qəzadan sonra ölkə təşvişə düşüb. Bölgədən verilən ilkin məlumata görə, qəza nəticəsində 70 nəfər xəsarət alıb.

İspaniyada iki qatarın toqquşması nəticəsində qəza baş verib. Kataloniya bölgəsində baş verən qəzada çoxlu sayda yaralının olduğu bildirilib. Qatarların hərəkəti dayandırılarkən, səlahiyyətlilər yaralıların vəziyyətinin yüngül olduğunu açıqladı.

Kataloniyanın fövqəladə hallar xidmətləri ilkin məlumatlara görə, 70 nəfərin yaralandığını bildirib.

Qatar qəzası Barselonanın şimalında yerləşən Montcada i Reixac şəhərində qatar xəttində baş verib.

Kataloniya hökumətinin Madriddəki nümayəndəsi Ester Kapella İspaniya Milli Radiosuna bildirib ki, səlahiyyətlilər işi araşdırır.