Çin Avtomobil İstehsalçıları Assosiasiyasının (CAAM) açıqladığı son məlumatlara görə, 2022-ci ildə Çində elektrikli avtomobil istehsalı və satışında böyük artım qeydə alınıb. Beləliklə, Çin ardıcıl 8 ildir ki, bu mövqedə dünya titulunu qoruyub saxlaya bilib.
Bildirilib ki, Çində ötən il istehsal edilən elektriklə işləyən avtomobillərin sayı illik bazda 96,9 faiz artaraq 7 milyon 58 minə, satılan avtomobillərin sayı isə illik 93,4 faiz artaraq 6 milyon 887 minə çatıb.
Keçən il ixrac edilən elektrikli nəqliyyat vasitələrinin sayının əvvəlki ilə nisbətən 1,2 dəfə artaraq 679 minə çatdığı, qlobal elektrikli avtomobil satışında dünyada ilk on müəssisədən üçünün Çin müəssisələri olduğu paylaşılıb.
2022-ci ilin sonuna qədər ölkə üzrə 5 milyon 210 min enerji doldurma məntəqəsi və 973 akkumulyator dəyişdirmə məntəqəsi tikilib. Bundan əlavə, 2 milyon 593 enerji doldurma məntəqəsi və 675 akkumulyator dəyişdirmə məntəqəsi quraşdırılıb.
Şərh yazan ilk kişi olun