Çin Dəmiryol Vaqon Korporasiyası (CRRC) Dalian Co. Ltd şirkəti tərəfindən ilk akkumulyatorla işləyən lokomotiv çərşənbə günü (11 yanvar) Banqkokda istismara verilib. Bu tip lokomotiv Taylanda karbon emissiyalarını azaltmağa, həmçinin dəmir yolu xidmətlərini yaxşılaşdırmağa kömək edəcək.
Lokomotiv Tayland Dövlət Dəmir Yolu Banqkokun Banq Sue Grand Stansiyasında uğurla sınaqdan keçirilib. Sınaq mərasimində çıxış edən Tailandın nəqliyyat naziri ölkəsinin Çin ilə dəmir yolları sahəsində əməkdaşlığını yüksək qiymətləndirib və bu çərçivədə həyata keçirilən sınaqların akkumulyatorla işləyən lokomotiv sahəsində mühüm inkişaf olduğuna diqqət çəkib.
Sözügedən lokomotiv Çinin CRRC Dalian və Taylandın Energy Absolute Public Company Limited (EA) şirkətləri ilə birgə hazırlanıb. Bu kontekstdə EA-nın CEO-su akkumulyator enerjisi ilə işləyən və dünyanın ən qabaqcıl texnologiyası ilə Çində istehsal edilən lokomotivin həm xərclərin azaldılması, həm enerji qənaəti, həm də emissiyanın azaldılması baxımından Taylandın tələblərinə cavab verdiyini bildirib.
CRRC Dalian-ın məlumatına görə, akkumulyatorla işləyən bu lokomotiv Taylandın sərnişin və yük daşımaları üçün orijinal şərtləri nəzərə alınmaqla Çin tərəfindən layihələndirilib və istehsal edilib. Altı oxlu lokomotiv saatda 2 kilometr sürətlə 500 tonluq yük qatarını və ya min tonluq sərnişin qatarını saatda 70 kilometr sürətlə çəkə bilir.
Şərh yazan ilk kişi olun