Meksikadan olan axtarış-xilasetmə iti Proteo öldü

Kahramanmaraşda baş verən zəlzələlərdən sonra axtarış-xilasetmə işlərinə qatılmaq üçün Meksikadan gələn qrupun iti Proteo həyatını itirib.

Böyük dağıntılara səbəb olan Maraş mərkəzli zəlzələlərdən sonra axtarış-xilasetmə işlərinə qatılmaq üçün dünyanın hər yerindən köməyə gələn qrupların müxtəlif vilayətlərdə işləri davam edir.

Komandanın Meksikadan olan təlim keçmiş axtarış-xilasetmə iti Proteo iş zamanı dünyasını dəyişib. Proteonun necə öldüyü açıqlanmayıb.

Meksika Müdafiə Nazirliyi aşağıdakıları paylaşdı: “Yoldaşımız Proteonu itirdiyimiz üçün dərindən kədərlənirik. Türkiyədəki qardaşlarımızın axtarış-xilasetmə işlərində Meksika komandasının üzvü kimi üzərinə düşən vəzifəni yerinə yetirdiniz. Qəhrəmanlığınıza görə təşəkkür edirəm”.