Yunanıstanda iki qatarın toqquşması nəticəsində baş verən qəzada azı 32 nəfər ölüb, 85 nəfər yaralanıb.
Yunanıstan Dövlət Agentliyinin AMNA xəbərinə görə, Larisa şəhərinin şimalındakı Tempi bölgəsində sərnişin qatarı ilə yük qatarı toqquşub. Sərnişin qatarının bəzi vaqonlarının relsdən çıxması nəticəsində 32 nəfər ölüb, 85 nəfər yaralanıb. Qəzadan sonra qatardakı sərnişinlər avtobuslarla Saloniki, Larisa və Kateriniyə aparılıb.
Afinadan Salonikiyə gedən IC 62 nömrəli qatarda təxminən 350 sərnişin olub. Qəza yerində axtarış-xilasetmə işləri davam edir.
Xarici İşlər Nazirliyi Yunanıstanda baş verən qatar qəzasında həyatını itirənlərlə bağlı başsağlığı verib. Nazirlikdən verilən açıqlamada Yunanıstanda dünən gecə baş verən qatar qəzasında çox sayda insanın həyatını itirdiyi və yaralandığının öyrənildiyi kədərlə ifadə edilib. Açıqlamada, “Bu faciəvi qəzada həyatını itirənlərin yaxınlarına, Yunan xalqına və hökumətinə başsağlığı verir, yaralılara şəfa diləyirik”.