Çin prezidenti Xi Jinping 2013-cü ildən bəri ardıcıl on il ağacəkmə tədbirində iştirak edir. Ağacların salınması və ətraf mühitin yaşıllaşdırılmasının vacibliyini dəfələrlə vurğulayan Prezident Xi, meşə ehtiyatlarının ən yaxşı şəkildə qorunmasının lazım olduğunu bildirdi.
2013-cü ildə paytaxt Pekində keçirilən meşəsalma tədbirinə qatılan Xi Jinping, “Biz meşəsalma tədbirini davam etdirəcəyik. Hər yaz ağac əkmək bizim daimi tariximizdir”. dedi.
2015-ci ildə Prezident Xi Pekinin Çaoyang rayonunda meşələrin bərpası tədbirində iştirak edərkən demişdi: “Biz yaşıl şüurluluğu gücləndirməliyik, ekoloji bərpa və mühafizə səylərini gücləndirməliyik. Bu, tarixi bir məqamdır”. ifadələrdən istifadə etmişdir.
2018-ci ildə keçirilən meşəsalma tədbirində Si Cinpin demişdir: “İnsan mərkəzli inkişaf konsepsiyasına uyğun olaraq, bütün ölkə üzrə insanları ətraf mühiti yaşıllaşdırmağa təşviq edək. Ətrafı yaşıllaşdırmaqla gözəlləşdirəcəyik”. dedi.
2021-ci ildə Prezident Xi ağac əkməyin vacibliyini izah edərək dedi: “Ekologiya gözəl həyatın ən vacib hissələrindən biridir. Gözəl Çinin mahiyyəti sağlamlıqdır. Yalnız sağlam dağlar və çaylar sağlam Çin xalqını qidalandırır”.
Son illərdə Çin hökuməti ekoloji sivilizasiyanın mühüm aspekti kimi torpaqların yaşıllaşdırılmasına böyük əhəmiyyət verir.
Hebey əyalətində yerləşən Saihanba Meşə Təsərrüfatı dünyanın ən böyük süni meşəsinə çevrilib. Son yarım əsrdə Saihanba sakinləri qumlu torpaqları meşələrə çevirmək, ərazinin yaşıllaşdırılmasını yaxşılaşdırmaq üçün çalışıblar.
Çində 231 milyon hektar meşə sahəsi var. Meşə sahələri ölkə ərazisinin 24,02 faizini əhatə edir. Ölkədə otlaqların ümumi sahəsi 265 milyon hektar olduğu halda, otlaqların 50,32 faizinin bitki örtüyü ilə örtüldüyü bildirilib.