Qaziantep Böyükşəhər Bələdiyyə Başçısı Fatma Şahinin iştirakı ilə Dülük Antik Şəhərin turizm potensialının üzə çıxarılması və elan edilməsi məqsədilə yol xəritəsi və mövcud vəziyyətlə bağlı yığıncaq keçirilib.
Tarixi binaların və ərazilərin qorunması və turizmə gətirilməsi üçün çalışan Böyükşəhər Bələdiyyəsi, ilk məskunlaşma yerinin 600 min il əvvəl olduğu təxmin edilən Dülük antik şəhəri üçün aparılan işləri sürətləndirib.
Böyükşəhər Bələdiyyəsinin Bahriye Üçok Yığıncaq Salonunda keçirilən yığıncaqda tarixi təbəqələrin davamlı şəkildə görünməsi, imkanlardan ən səmərəli şəkildə istifadə edilməsi, yaradılacaq turizm potensialının idarə olunması kimi məsələlər müzakirə edilib. Təqdimatların və maketlərin edildiyi yığıncaqda sədr Fatma Şahindən başqa, Qaziantep valisi Davud Gül və əlaqədar qurum rəhbərləri də iştirak edib.
Uzun müddət insanlar üçün qiymətli yaşayış yeri olan və Het dövründən Bizans İmperatorluğu dövrünə qədər dini mərkəz olan Dülük Antik Şəhərdə qaya məzarları, karxana və yaşayış məskəni qalıqları qorunaraq günümüz texnologiyası ilə inteqrasiya olunmuş fəaliyyətlər planlaşdırılır. Tədqiqatlar üçün müxtəlif fənlər birlikdə işləyəcək. Bölgənin şahidi olduğu tarixi dövrlər ziyarətçilərə vizual və səsli şəkildə əks etdiriləcək.
“Qədim şəhərdə dünyanın ən böyük Mitra məbədi yerləşir”
Dövrün əsgərlərinin inandığı din olaraq bilinən fars mənşəli Mitra Dini Məbədi və Roma Legionlarının bölgədəki gizli ibadətlərinin böyük təsir göstərdiyi qədim şəhər üçün ekoloji cəhətdən harmonik planlar hazırlanacaq. Yığıncaq çərçivəsində Anadoludakı ilk Mitras Yeraltı Məbədi və bu dinin dünyada ən böyük məbədi olan 2 hissədən ibarət olan sahə gəzintilərindən sonra edilən dizaynlar müzakirə edildi.