Sinqapurun dünyaca məşhur ictimai parklarından biri olan Gardens-by-the-Bay-da “Tulipmania” lalə sərgisi açılıb. Mədəniyyət və Turizm Nazirliyinin də dəstəklədiyi təşkilatda Türkiyədən gətirilən canlı lalələr Qalata qalası, Safranbolu evləri, Qız qalası və Kapadokyanın üçölçülü görüntüləri ilə sərgilənir.
Türkiyə Cümhuriyyətinin yaranmasının 100-cü ildönümü tədbirləri çərçivəsində keçirilən sərgidə nazirliyin Araşdırma və Təhsil Baş İdarəsi tərəfindən hazırlanmış əl işlərindən ibarət sərgi də yer alıb. Qeyri-maddi mədəni irs daşıyıcılarının lalə motivli kaşı, toxuculuq, ebru, xəttatlıq, illüminasiya, miniatür, mis və iynə krujevasından ibarət 53 əsəri sənətsevərlərə təqdim olunur.
Sərgi ilə bağlı açıqlama verən Araşdırma və Təhsil Baş direktoru Okan İbiş, bir mədəniyyəti yaşatmağın ən əsas şərtinin o mədəniyyətin tətbiqçilərini və ötürücülərini qorumaq və yaşatmaq olduğu anlayışı ilə çalışdıqlarını bildirdi. İbiş beynəlxalq festivallar vasitəsilə ənənəvi elementləri daha geniş auditoriyaya tanıtmaqla mədəniyyətlərarası dialoqu gücləndirməyi, eyni zamanda mədəniyyət iqtisadiyyatına töhfə verməyi hədəflədiklərini bildirib.
İlk dəfə Türkiyə tərəfindən təşkil edilən və yalnız Türkiyə təbliğatı həyata keçirilən “Tulipmania” mayın 21-dək ziyarət edilə bilər.