Yunanıstanın Larisa şəhərinin Tembi bölgəsində fevralın 28-də baş verən qatar qəzası ilə bağlı hazırlanan hesabatda ölkədə dəmir yollarının modernləşdirilməsinin zəruri olduğu bildirilib.
Nəqliyyat Nazirliyinin yaratdığı ekspert komissiyası 57 nəfərin ölümü ilə nəticələnən qatar qəzası ilə bağlı hesabat yayıb.
Ölkədə dəmir yollarının müasirləşdirilməsinin zəruriliyi vurğulanarkən, qəzanın insan səhvi, texnoloji avadanlıq çatışmazlığı və inzibati problemlər kimi amillərin birləşməsindən baş verdiyi bildirilib.
228 səhifəlik hesabatda Yunanıstan Dəmir Yolları Təşkilatının (OSE), Dəmir Yolu Tənzimləmə Qurumunun və mühakimə olunan 59 yaşlı Larissa stansiyası rəisinin də məsuliyyət daşıdığı qeyd edilib.
Dəmir yollarında bəzi xroniki problemlərin olduğuna diqqət çəkən hesabatda dəmir yolu işçilərinin hazırlanmasında struktur dəyişikliklərinin aparılmasının vacibliyi də vurğulanıb.
Fevralın 28-də Larisa şəhərinin şimalında yerləşən Tembi bölgəsində sərnişin qatarı ilə yük qatarının toqquşması, bəzilərinin relsdən çıxması və ön vaqonların yanması nəticəsində 57 nəfər həlak olub.