Çin Mədəni İrs İdarəsi və Hainan Əyaləti Hökuməti tərəfindən bu gün keçirilən mətbuat konfransında Çinin dərin dəniz arxeoloji tədqiqatları haqqında məlumat verilib.
Ötən ilin oktyabrında Cənubi Çin dənizinin şimal-qərbində kontinental yamacların yaxınlığında 1500 metr dərinlikdə iki qədim gəminin qalıqlarının aşkar edildiyi bildirilib. Batan gəmilərin ilk axtarış və video çəkiliş işlərinə dünən başlanıldığı açıqlanıb. Araşdırma zamanı 1 nömrəli gəmidə 10 min kvadratmetr əraziyə səpələnmiş, əsasən çini məmulatlardan ibarət 100 mindən çox artefaktın tapıldığı bildirilib. Tarixi əşyaların Min sülaləsinin 1506-1521-ci illər dövrünə aid olduğu qeyd edilib.
Bundan əlavə, 2 nömrəli qəzanın Min sülaləsinin 1488-1505-ci illərdə Çinə gətirilən malları daşıyan gəmiyə aid olduğu bildirilib.
Məlumat verilib ki, batmış gəmilər üçün bir il müddətində arxeoloji tədqiqatlar aparılacaq və qalıqların mühafizəsi üçün lazımi planlar hazırlanacaq.