Çinin inkişaf etdirdiyi zəlzələnin erkən xəbərdar edilməsi texnologiyasının Türkiyə, Nepal və İndoneziya kimi bir çox ölkədə istifadə edildiyi bildirilib. Çinin cənub-qərbindəki Sıçuan əyalətində yerləşən Çenqdu Qabaqcıl Texnologiya İnstitutunun Təbii Fəlakətlərlə Mübarizə İnstitutunun verdiyi məlumata görə, qurum tərəfindən hazırlanmış zəlzələnin erkən xəbərdarlığı texnologiyası erkən xəbərdarlıq sürəti və etibarlılığı baxımından dünyada lider mövqedədir. Bildirilib ki, sözügedən texnologiyadan Nepal, İndoneziya və Türkiyə də daxil olmaqla müxtəlif ölkələr istifadə edir.
Bildirilib ki, İnstitut tərəfindən hazırlanmış erkən xəbərdarlıq texnologiyası əsasında qurulan erkən xəbərdarlıq şəbəkəsi 2 milyon 400 min kvadratkilometr ərazini əhatə edir və indiyədək 76 dəfə erkən xəbərdarlığı uğurla həyata keçirib. Çin Meksika və Yaponiyadan sonra zəlzələnin erkən xəbərdarlığı texnologiyasını paylaşmaq qabiliyyətinə malik üçüncü ölkədir.