Otokar Cənubi Amerikada zirehli maşınlarda geniş məhsul çeşidini təqdim edəcək

Məhsulları 35-dən çox dost və müttəfiq ölkədə istifadə edilən Otokar öz imkanlarını qlobal miqyasda tanıtmağa davam edir. Otokar 5-10 aprel tarixləri arasında Çilinin paytaxtı Santyaqoda keçiriləcək Cənubi Amerikanın mühüm müdafiə və təhlükəsizlik sərgisi olan FIDAE 2022-də iştirak edəcək. Sərgi zamanı Otokar quru sistemlərindəki üstün imkanlarını, eləcə də zirehli maşınlarda geniş məhsul çeşidini təqdim edəcək.

Koç Qrupu şirkətlərindən biri olan Türkiyənin qlobal quru sistemləri istehsalçısı Otokar Türkiyəni müdafiə sənayesi sahəsində uğurla təmsil etməyə davam edir. Çilinin paytaxtı Santyaqoda keçiriləcək Cənubi Amerika regionunun ən böyük müdafiə və təhlükəsizlik sərgisi olan FIDAE 2022-də iştirak edir. Altı gün davam edəcək sərgidə Otokar dünya şöhrətli zirehli maşınlardan ibarət geniş məhsul çeşidini və quru sistemlərindəki üstün imkanlarını təqdim edəcək.

Otokar baş direktoru Serdar Görgüç, təxminən 33 Otokar hərbi maşınının müxtəlif bölgələrdə və iqlim şəraitində aktiv şəkildə xidmət etdiyini bildirdi: Bugünkü və gələcək təhdidlər üçün inkişaf etdirdiyimiz və istehsal etdiyimiz hərbi maşınlarımız və geniş məhsul çeşidimizlə fərq yaradırıq. Son 10 ildə biz dövriyyəmizin təxminən 8 faizini Ar-Ge fəaliyyətlərinə ayırmışıq. Qlobal biliklərimiz, üstün Ar-Ge, dizayn və mühəndislik imkanlarımızla müxtəlif istifadəçilərin dəyişən ehtiyac və gözləntilərinə ən yaxşı şəkildə cavab veririk. Bütün bunlara əlavə olaraq biz texnologiya ötürmə imkanlarımızla da fərqlənirik”.

Görgüç, Otokar vasitələrinin artıq Cənubi Amerikada istifadə edildiyinə diqqət çəkdi; “Türk ordusu və təhlükəsizlik qüvvələri də daxil olmaqla, dünyanın 35-dən çox dost və müttəfiq ölkəsindəki 55-dən çox fərqli istifadəçimiz üçün ən yaxşı məhsul və xidmətləri təqdim etməyə çalışırıq. Biz dünyanın müxtəlif iqlimlərində və coğrafiyalarında əldə etdiyimiz təcrübələri nəqliyyat vasitələrinin inkişafı səylərimizə əks etdiririk. Cənubi Amerika Otokarın əhəmiyyətli bazarları arasındadır. Otokar olaraq bölgədəki ixrac imkanlarını yaxından izləyir və yeni əməkdaşlıqlar inkişaf etdirməyi hədəfləyirik. Müdafiə sənayesindəki 35 illik təcrübəmizlə qlobal bazarlarda məhsulumuz, Ar-Ge və texnologiya transfer imkanlarımızla ölkə ixracatına töhfəmizi davam etdirməyi hədəfləyirik”.