Dünyanın ilk C919 təyyarəsi bu gün Şanxay Pudonq Beynəlxalq Hava Limanından Şanxay Honqyao hava limanına uçdu. Bundan əlavə, təyyarə bu gün səhər saatlarında rəsmi mərasimlə China Eastern Airlines şirkətinə təhvil verilib. COMAC şirkəti China Eastern Airlines-a dünyada ilk C919 xatirə açarı və təyyarə satış sertifikatı təqdim edib. Çin Mülki Aviasiya Administrasiyası C919 təyyarəsi üçün qeydiyyat sertifikatı, uçuşa yararlılıq sertifikatı (AC) və radio lisenziyasını China Eastern Airlines şirkətinə təhvil verib.
COMAC bu yaxınlarda C919-un kütləvi istehsalına imkan verən lisenziyaya layiq görülmüşdü. Sözügedən model 2017-ci ildə ilk uçuşunu uğurla həyata keçirib. Bu ilin sentyabr ayında C919 dizaynının uçuş təhlükəsizliyi və uçuşa yararlılıq meyarlarına, eləcə də ekoloji tələblərə uyğun olması barədə sertifikatlar əldə edib. Digər tərəfdən, Çin Mülki Aviasiya İdarəsi (CAAC) 15 pilotun C919 yol təyyarəsini idarə etmək hüququna malik olduğunu açıqlayıb. Bu, C919 sərnişin təyyarəsinin tezliklə təhvil verilərək istifadəyə veriləcəyini göstərir.
Şərh yazan ilk kişi olun