Rusiya Dövlət Nüvə Enerjisi Korporasiyası Rosatom-un külək enerjisi bloku olan NovaWind və Myanmanın Primus Advanced Technologies şirkəti külək stansiyalarının tikintisi layihələrində əməkdaşlıq üçün yüksək səviyyəli “yol xəritəsi”ni müəyyən etmək barədə razılığa gəliblər.
172 MVt gücündə külək elektrik stansiyasının tikintisi üzrə əməkdaşlıq sazişini NovaWind-in baş direktoru Qriqori Nazarov və Primus Advanced Technologies-in baş direktoru Kyaw Hla Win imzalayıb.
NovaWind-in baş direktoru Qriqori Nazarov müqavilə barədə deyib:
“Biz Rusiyada külək stansiyalarının tikintisi və istismarı ilə geniş təcrübəmizi sübut etmişik. NovaWind strategiyasının sütunlarından biri kimi biz işimizi daha da inkişaf etdirməyi səbirsizliklə gözləyirik. Bu müqavilənin imzalanması Myanmada külək enerjisi layihələrinin inkişafı üçün böyük potensialın açılmasında ilk addım olacaq. Biz tərəfdaşlarımızın əməkdaşlığımıza sadiqliyini yüksək qiymətləndiririk. Biz uzunmüddətli və qarşılıqlı faydalı tərəfdaşlıq qurmaq əzmindəyik. Birgə layihələrimiz Myanmanın Elektrik Enerjisi Nazirliyinin dəstəyi sayəsində milli enerji kompleksinin şaxələndirilməsinə töhfə verəcək”.
Primus Advanced Technologies-in baş direktoru Kyaw Hla Win də müqavilə ilə bağlı aşağıdakı açıqlamaları verdi:
“İnanıram ki, NovaWind ilə yaratdığımız əməkdaşlıq yol xəritəsi ölkəmizdə külək elektrik stansiyalarının tətbiqində daha səmərəli irəliləyiş əldə etməyə imkan verəcək. Bu, Myanmaya, milli enerji sisteminə və region xalqına sosial-iqtisadi fayda gətirəcək”.