Çin Milli İnkişaf və İslahat Komissiyasının dərc etdiyi məlumatlara görə, Çin-Avropa Dəmiryolu Ekspresi çərçivəsində son 10 ildə 77 min səfər həyata keçirilib və içərisində 340 milyard dollar dəyərində mal olan 7,31 milyon TEU konteyner daşınıb. Sözügedən mallar Avropanın 217 şəhərinə çatdırılıb.
Bildirilib ki, Çin-Avropa dəmir yolu ekspress xidmətləri beynəlxalq iqtisadi və ticari əməkdaşlığa töhfə verən mühüm körpüyə çevrilib. Bu sahədə beynəlxalq əməkdaşlığı gücləndirmək məqsədilə təşkil edilən Çin-Avropa Dəmir Yolu Ekspres Əməkdaşlıq Forumu bu gün Çinin Jiangsu əyalətinin Lianyunqanq şəhərində işə başlayıb.